Ante a gran demanda de inscricións existente no obradoiro de teatro infantil iniciado o pasado mes de febreiro, o Departamento de Cultura pon en marcha un novo grupo. As clases iniciaranse este sábado día 15 de marzo no Teatro das Torres de 12.00 a 13.30 horas e rematarán no mes de xuño. As prazas son limitadas e terán preferencia as persoas xa anotadas en lista de reserva. O obradoiro está dirixido a nenos e nenas nacidos entre os anos 2002 e 2007. Para máis información e inscricións contactar co Departamento de Cultura no teléfono 981610000 ou no enderezo electrónico cultura@oleiros.org