Plans especiais de acondicionamento
Os Plans Especiais de Acondicionamento de:
- Praia de Santa Cristina, PE-4. Aprobación definitiva 16.01.90;
- Praia de Bastiagueiro, PE-5. Aprobación definitiva 06.04.90;
- Porto e Praia de Santa Cruz, PE-6. Aprobación definitiva 21.07.88;
- Porto e Praia de Mera, Patelo e Espiñeiro, PE-8. Aprobación definitiva 27.07.94;
Formados en desenvolvemento do Plan Xeral que se revisa, decláranse subsistentes, quedando incorporadas as súas determinacións ó Plan Xeral, sen prexuízo das modificacións puntuais introducidas en planos de ordenación.
No ámbito do Plan Especial de Acondicionamento de Bastiagueiro PE-5, o réxime do solo aplicable a cada zona será o resultado da aplicación da clasificación e cualificación definida polo Plan Xeral e, na medida que resulten compatibles, das determinacións de ordenación e protección paisaxística do Plan Especial.
Nas zonas que o Plan Xeral clasifica como solo urbano en ordenanza 2B serán de aplicación integramente as determinacións desta ordenanza tanto para a ordenación como regulación de usos (incluso uso residencial unifamiliar compatible). Manterase a regulación de altura (só planta baixa) e condicións de definición volumétrica recollida no punto 5.3. das Normas Urbanísticas do Plan Especial.
Queda derrogado o Estudio de Detalle aprobado en data 17.11.2003.