O Concello de Oleiros conta cun amplo Sistema de Bibliotecas Públicas Municipais consistente na dotación de infraestruturas bibliotecarias ao servizo da poboación. Ten presenza na maioría das parroquias e núcleos de poboación de maior densidade, coa finalidade de achegar un servizo público aberto para uso, fomento e gozo da lectura a toda a veciñanza, sen distancias nin longos desprazamentos, con horarios amplos e flexibles adaptados ás necesidades das persoas usuarias e cunha programación de actividades culturais e de promoción da lectura para crianzas, xuventude e persoas adultas.
