A creatividade e os espectáculos para combinar o lecer co crecemento persoal, acentuando a sensibilidade en torno ás artes e ao progreso da sociedade. Un ocio agradable sempre atento as novas tendencias, ás artes, aos momentos máis intensos. Programacións variadas nos espazos municipais dedicados á expresión, á convivencia e ás artes plásticas, escénicas, faladas, musicais ou de calquera outra natureza.
Concelleiro delegado de Cultura, Normalización Lingüística, Ensino e Xuventude
Comentario de "Feliz idade" de Olga Novo. Modera: Silvia Salgado.
xoves 05 de marzo 11:00 h Biblioteca Municipal Manuel María. Oleiros Cultura BIBLIOTECASGrupo A. Comentario de "Seis poemas galegos" de Federico García Lorca. Modera: Silvia Salgado.
luns 09 de marzo 19:00 h Biblioteca Municipal Mª José Trincado. Mera Cultura BIBLIOTECAS
Charlas de divulgación científica na Biblioteca Central Rialeda (Perillo)
Realizamos unha nova programación de “Ler para saber: charlas de divulgación científica” para os meses de febreiro a maio. Son seis charlas sobre temas científicos dirixidas a nenas e a nenos (a partir de 10 anos de idade), adolescentes e público en xeral, que terán lugar na Biblioteca Central Rialeda (Perillo), os venres 2 e 23 de febreiro, 15 de marzo, 19 de abril, 10 e 24 de maio, ás 18:30 horas.
Os obxectivos que se pretenden conseguir son achegar a ciencia a todas as persoas, ampliar os coñecementos sobre temas científicos de importancia na vida diaria, fomentar o coñecemento específico dunha materia determinada, dinamizar os fondos bibliográficos sobre estes temas, atraer á biblioteca a un público interesado pola ciencia e, en definitiva, fomentar a lectura e a consulta de libros que traten estas temáticas.
Programáronse charlas ou obradoiros sobre aspectos diferentes para atraer a un publico de gustos diversos e variados:
- 2 de febreiro
A ciencia na arte
Gemma Andújar Santos. Profesora de Educación Secundaria
- 1 de marzo
A importancia da conservación dos océanos
Sebastián Losada Figueiras. Ecoloxista e activista. Licenciado en Ciencias do Mar. Asesor de Greenpeace Internacional
- 15 de marzo
Construímos unha nave espacial
Alejandro Cardesín Moinelo. Enxeñeiro e científico de Misións Planetarias
- 19 de abril
O corazón: función, patoloxías e coidados
Enrique Iglesias Río. Cardiólogo no CHUAC e no Hospital San Rafael
- 10 de maio
Investigación sobre microalgas
Carmen Rioboo Blanco. Profesora de Microbioloxía na Universidade da Coruña
- 24 de maio
Arquitectura sostible: casa bioclimática e casa ecolóxica
Marcos Álvarez Montes e Susana Moriyón Romero. Arquitectos.
Desde a Biblioteca Central Rialeda invítase a todas as persoas que desexen asistir.
