A industria do ocio é un dos principais factores económicos da nosa contorna, nesta época de deslocalización industrial e alimentaria. Aproveitar o privilexio das nosas paisaxes, a calidade da nosa gastronomía e o noso proverbial sentido acolledor é a misión das políticas públicas que se organizan desde o Concello. Para iso reforzamos os nosos atractivos e coidamos a nosa marca para facernos un oco nas axendas das persoas que por aquí se achegan.
