A actuación contempla a renovación íntegra da cuberta, así como a reparación do chan mediante traballos de nivelación e pintado. Tamén se mellorará e substituirá o sistema de iluminación, o que permitirá ampliar o horario de utilización da pista e empregala durante todo o ano, incluídos os meses de inverno nas horas de menor luminosidade.
Con esta intervención, o Concello de Oleiros continúa a apostar por instalacións deportivas de calidade e espazos axeitados para o lecer activo e a convivencia, mellorando as condicións de uso deste espazo municipal.