Novas

O Concello de Oleiros instalará o Punto Violeta durante as festas de Santa Cruz

Sara López Gómez — Mon, 17 Aug 2026 12:06:00 GMT

Do 20 ao 25 de agosto celébranse as festas de Santa Cruz. Debido á isto, o Concello instalará o Punto Violeta no parque Luis Seoane todas as noites do xoves 20 ao martes 25, en horario de 23 a 3:30 h. O obxectivo é continuar coa súa implicación activa, como vén facendo ata agora, na prevención e atención ante posibles casos de violencia sexual, LGTBIfobia ou calquera outra forma de violencia machista.

En marcha a renovación dos Golfiños do Porto de Dexo

Sara López Gómez — Mon, 17 Aug 2026 11:35:00 GMT

O Concello de Oleiros está a executar os traballos de renovación dos Golfiños do Porto de Dexo, unha actuación destinada a mellorar o estado deste espazo e reparar os elementos que presentan deterioro. A obra conta cun investimento de arredor de 43.000 euros.

Inminente demolición das antigas instalacións da Opel

Sara López Gómez — Fri, 14 Aug 2026 11:30:00 GMT

A empresa propietaria das antigas instalacións do concesionario da Opel, en Perillo, ten ata o vindeiro 15 de setembro para executar a demolición do edificio, despois do prazo de catro meses concedido polo Concello de Oleiros o pasado 15 de maio.

Ángel García Seoane, condecorado coa Medalla da Amizade do ICAP no centenario de Fidel Castro

Sara López Gómez — Fri, 14 Aug 2026 11:25:00 GMT

O alcalde de Oleiros, Ángel García Seoane, participou no acto de homenaxe a Fidel Castro con motivo do centenario do seu nacemento en Láncara. Durante o acto, o alcalde foi distinguido coa Medalla da Amizade do Instituto Cubano de Amizade cos Pobos (ICAP), con motivo do seu compromiso coa amizade e cooperación con Cuba.

A Xunta mantén bloqueada a contratación da senda costeira entre Naval e Canide

Sara López Gómez — Fri, 14 Aug 2026 11:17:00 GMT

Para a licitación das obras de construción da senda litoral entre Naval e Canide, o Concello solicitou o necesario informe a Costas da Xunta de Galicia o pasado 12 de decembro de 2025. Máis de 8 meses despois, continúa sen ser emitido, imposibilitando a contratación.

O dispositivo municipal garante unha xornada de eclipse segura e sen incidencias destacables

Sara López Gómez — Thu, 13 Aug 2026 11:33:00 GMT

A eficacia do dispositivo especial de seguridade e mobilidade despregado polo Concello de Oleiros con motivo do eclipse solar permitiu gozar dunha xornada excepcional con total normalidade e sen incidencias destacables. O Concello agradece tanto o traballo desenvolvido polos distintos traballadores municipais como a colaboración cidadá.

Música na rúa en Santa Cruz, Santa Cristina e Mera este sábado 15 de agosto

Sara López Gómez — Thu, 13 Aug 2026 08:19:00 GMT

O programa Música na rúa regresa este fin de semana ás rúas de Santa Cristina e Mera. O sábado 15 de agosto en horario de 20:00 a 22:00 horas; 13B, Nunzia Giannotta, La Belle Indifférence e Surfatas poranlle son á noite de verán.

A Xunta pon en risco o futuro do CEIDA bloqueando a renovación do convenio, dos estatutos e da dirección

Sara López Gómez — Tue, 11 Aug 2026 11:38:00 GMT

Por iniciativa do Concello de Oleiros, no ano 1997 creouse o CEIDA, con sede no Castelo de Santa Cruz. Para a súa fundación asinouse un convenio e uns estatutos que levan case dous anos caducados e que establecían, entre outras cousas, que o Concello cede o Castelo de Santa Cruz e asume o mantemento do centro, que a Xunta de Galicia achega 2/3 do financiamento e a Universidade da Coruña 1/3.

O Concello fai un chamamento á responsabilidade e á colaboración cidadá para o día de mañá

Sara López Gómez — Tue, 11 Aug 2026 11:06:00 GMT

O Concello de Oleiros lembra á veciñanza as principais normas e recomendacións para a xornada de mañá mércores 12 de agosto, con motivo da eclipse solar. Para garantir a seguridade, despregaranse máis de cen efectivos da Policía Local, Servizo Municipal de Emerxencias, Protección Civil e Salvamento e Socorrismo, nun dispositivo no que tamén colaborará a Garda Civil.

A festa do barro despide unha exitosa XXXII edición de Alfaroleiros

Sara López Gómez — Mon, 10 Aug 2026 10:53:00 GMT

Despois de 5 días de intensa actividade, Alfaroleiros baixou o pano da súa trixésimo segunda edición deixando tras de si o Parque Luís Seoane cheo de vida, milleiros de persoas visitantes e centos de pezas de barro que atoparon un novo fogar. A festa do barro volveu demostrar que continúa sendo unha das citas culturais e artesanais máis importantes do verán de Galicia e un referente para a olería tradicional de toda a Península.

O Concello instalará un Punto Violeta durante a festa de Santa María de Oleiros

Sara López Gómez — Mon, 10 Aug 2026 10:52:00 GMT

Con motivo da celebración das festas de Santa María de Oleiros, o Concello instalará un Punto Violeta as noites do xoves 13 de agosto, sábado 15 e domingo 16 de agosto, en horario de 23:00 a 03:00, co obxectivo de continuar traballando de maneira activa, como se ven facendo ata agora, na prevención e na resposta ante posibles situacións de violencia sexual, LGTBIfobia ou calquera outra forma de violencia machista.

Televisións de todo o mundo retransmitirán a visión da eclipse desde Oleiros

Sara López Gómez — Fri, 07 Aug 2026 10:45:00 GMT

O Concello de Oleiros acordou coa Corporación de Servizos Audiovisuais de Galicia (CSAG) a utilización da Aula do Mar de Mera como centro de operacións para a cobertura informativa da eclipse solar do vindeiro 12 de agosto. Desde este espazo emitirán a Televisión de Galicia e a Radio Galega todos os seus informativos e programas especiais dedicados a este acontecemento astronómico. Ademais, o sinal desta retransmisión será distribuído a todas as televisións autonómicas e tamén chegará diferentes cadeas internacionais.

Os nenos saharauís do programa Vacacións en Paz visitan o Concello de Oleiros

Pablo Cibeira Taboada — Thu, 06 Aug 2026 12:29:00 GMT

O alcalde de Oleiros, Ángel García Seoane, e a concelleira de cooperación, Marga Figueroa Vázquez, recibiron esta mañá na Casa do Concello ao grupo de nenos e nenas saharauís que están a pasar as súas vacacións en Oleiros grazas ao programa Vacacións en Paz que organiza a ONG Solidariedade Galega co Pobo Saharauí.

O Torneo Concello de Oleiros de fútbol comeza o mercores 12 de agosto

Sara López Gómez — Thu, 06 Aug 2026 12:05:00 GMT

O mércores 12 de agosto iníciase a edición LV do Torneo de Fútbol Concello de Oleiros masculino, unha das competicións máis veteranas do fútbol afeccionado da comarca. Un día despois, o xoves 13, arrancará tamén o V Torneo de Fútbol Concello de Oleiros feminino. En ambos os dous casos, a gran final disputarase o sábado 29 de agosto no Campo Municipal Nano García de Iñas.

O Concello reforza o programa de apoio a familias cun diagnóstico de TEA

Sara López Gómez — Thu, 06 Aug 2026 11:24:00 GMT

O Concello de Oleiros continúa mellorando o seu compromiso coas familias con fillas e fillos con diagnóstico dentro do Trastorno do Espectro Autista (TEA). Para iso, o Concello contratará un servizo de apoio que ofrece acompañamento emocional, orientación especializada e espazos de encontro para afrontar os retos do día a día. Aínda que a atención sanitaria corresponde á Xunta, este programa complementario supón un recurso importante para estas familias. A boa acollida e a elevada participación fan necesario dar continuidade a estas actividades, integradas nos Servizos Sociais municipais.

Música na rúa en Santa Cristina e Mera este sábado 8 de agosto

Sara López Gómez — Thu, 06 Aug 2026 09:17:00 GMT

O programa Música na rúa regresa este fin de semana ás rúas de Santa Cristina e Mera. O sábado 8 de agosto en horario de 20:00 a 22:00 horas, Alda Varez¬Richi Ponce, #dosenpunto e Sophie Simonds poranlle son á noite de verán.

Comeza unha nova edición de Alfaroleiros cunha ampla e variada programación paralela

Pablo Cibeira Taboada — Wed, 05 Aug 2026 14:45:00 GMT

O parque Luís Seoane de Santa Cruz acolleu a inauguración da XXXII edición de Alfaroleiros. O acto contou coa participación de decenas de persoas, así como da presenza do alcalde de Oleiros, Ángel García Seoane; o presidente en funcións da Deputación da Coruña, Xosé Regueira Varela; e a concelleira de Cultura, Normalización Lingüística, Ensino e Xuventude, María José Santos Zas.

Recepción institucional ao campión europeo Manu Taibo na Casa do Concello

Pablo Cibeira Taboada — Tue, 04 Aug 2026 12:40:00 GMT

O alcalde, Ángel García Seoane, e a concelleira de Deportes, Teresa Vázquez, recibiron oficialmente na Casa do Concello ao patinador Manu Taibo, recente campión de Europa en relevos e subcampión en maratón. Un merecido recoñecemento institucional ante estes novos éxitos deste extraordinario deportista, resultado dun esforzo e dedicación persoal sobresaínte.

O alcalde de Oleiros participa na reunión para abordar a creación da área de prestación conxunta de taxis

Pablo Cibeira Taboada — Mon, 03 Aug 2026 12:20:00 GMT

O alcalde de Oleiros, Ángel García Seoane, participou na reunión de alcaldes e alcaldesas convocada polo Concello da Coruña no pazo de María Pita para abordar a creación dunha área de prestación conxunta do servizo de taxi na Coruña, Arteixo, Cambre, Culleredo e Oleiros. Á reunión asistiron a alcaldesa da Coruña e os alcaldes de Oleiros e Arteixo, mentres que Cambre e Culleredo, aínda estando convocados, non acudiron.

O Concello de Oleiros incrementa en 43.000 euros as subvencións para entidades deportivas

Sara López Gómez — Mon, 03 Aug 2026 12:14:00 GMT

O Concello de Oleiros ten aberta a convocatoria de subvencións destinada ás entidades deportivas locais sen ánimo de lucro, co propósito de apoiar e promover actividades deportivas ao longo do ano 2026. Ante o incremento de clubs e entidades do municipio que participan en competicións de ámbito estatal, o Goberno Municipal incrementou o importe total dedicado ás subvencións ata os 140.000 euros. Tamén se incrementan as axudas para os clubs que participan no ámbito local e autonómico.