Novas

O modelo político de Oleiros, exemplo de referencia para a Universidade de Santiago

Sara López Gómez — Thu, 01 Oct 2026 07:31:00 GMT

O modelo político transformador de Oleiros será un dos eixos do Foro Territorios que lideran que organiza a Universidade de Santiago de Compostela a próxima semana. Representantes municipais –entre os que estará o alcalde Ángel García Seoane-, responsables públicos e profesionais técnicos de distintas administracións debaterán sobre o futuro dos gobernos locais.

Continúa aberta a inscrición para a I Carreira Popular Concello de Oleiros

Sara López Gómez — Wed, 30 Sep 2026 10:45:00 GMT

Segue aberto o prazo de inscrición para participar na I Carreira Popular Concello de Oleiros, unha nova competición deportiva municipal que se celebrará o próximo domingo 18 de outubro, cun percorrido de 8,5 km con saída e chegada en Iñás, percorrendo tamén a parroquia de San Pedro de Nós.

O xoves abre o prazo de inscricións para as actividades de envellecemento activo

Sara López Gómez — Tue, 29 Sep 2026 12:07:00 GMT

Un total de 774 persoas retomaron as distintas actividades de ximnasia, ioga e relaxación e taller de memoria para veciños e veciñas maiores de 65 anos organizadas polo Concello. Aquelas persoas interesadas en incorporarse aos grupos xa en funcionamento poden apuntarse desde o vindeiro xoves 1 de outubro ata o día 7 de outubro chamando polas tardes ao teléfono 981 610 000, de 16.00 a 19.00 horas. Tamén será posible apuntarse a través da web www.oleiros.org.

Sanidade Galega con Palestina trae á Fábrica unha exposición sobre o xenocidio en Palestina

Sara López Gómez — Tue, 29 Sep 2026 11:28:00 GMT

Continúa a campaña permanente do Concello de Oleiros de denuncia do xenocidio do pobo palestino, por parte do Goberno de Israel. Nesta ocasión, Sanidade Galega con Palestina, co apoio do Concello, BDS Coruña e o IES Terra de Xallas, inaugura este venres día 2 de outubro ás 19:30 h, no centro cultural A Fábrica de Perillo, unha exposición.

“Os dous de sempre”, de Castelao, abre o ciclo de teatro de outono este sábado en Mera

Sara López Gómez — Mon, 28 Sep 2026 08:17:00 GMT

"Os dous de sempre", de Mofa & Befa, dirixida por Quico Cadaval, chega ao auditorio Gabriel García Márquez este sábado 3 de setembro ás 20:30 horas.

Grande éxito das festas e actos culturais deste verán

Pablo Cibeira Taboada — Sun, 27 Sep 2026 15:36:00 GMT

Coa celebración onte en Maianca da romaría de San Cosme, na que participaron máis de 1.500 persoas, púxose un broche de ouro a un verán cultural e festivo marabilloso en todo Oleiros. O Concello agradece a todas as comisións de festas e asociacións veciñais o seu xeneroso traballo.

Recepción institucional ao subcampión mundial Alberto Fidalgo na Casa do Concello

Sara López Gómez — Fri, 25 Sep 2026 11:50:00 GMT

O alcalde, Ángel García Seoane, e a concelleira de Deportes, Teresa Vázquez, recibiron oficialmente na Casa do Concello ao marchador nórdico Alberto Fidalgo, recente subcampión do mundo de marcha nórdica en Finlandia. Un merecido recoñecemento institucional ante estes novos éxitos deste extraordinario deportista, resultado dun esforzo e dedicación persoal sobresaínte.

Reporteiros Sen Fronteiras recoñece ao Concello de Oleiros polo seu compromiso coa liberdade de prensa

Sara López Gómez — Fri, 25 Sep 2026 11:44:00 GMT

Reporteiros sen Fronteiras distinguiu o Concello de Oleiros como “entidade aliada pola liberdade de prensa” polas “iniciativas en prol da liberdade de prensa e información”. Entre outras, destacan a defensa pública do xornalismo independente e do papel dos medios de comunicación libres no mantemento da democracia ou o acollemento de mulleres xornalistas defensoras dos dereitos humanos, ameazadas de morte nos seus países de orixe.

O goberno municipal apoia de forma incondicional ás traballadoras da limpeza a través dun manifesto no Pleno

Sara López Gómez — Fri, 25 Sep 2026 09:08:00 GMT

Manifesto

O Goberno municipal aproba unha bonificación do 50% no IBI para os VPO durante 13 anos, que tampouco pagarán as taxas para a construción

Sara López Gómez — Fri, 25 Sep 2026 08:53:00 GMT

O Goberno municipal aprobou no pleno municipal diversas modificacións das ordenanzas fiscais do Concello de Oleiros. Entre outras, aplicaranse diversos cambios para facilitar tanto o acceso á vivenda e incrementar as medidas de protección das persoas en situación de vulnerabilidade.

Actividade divulgativa: coñece a biodiversidade do Parque Rosalía Mera

Sara López Gómez — Fri, 25 Sep 2026 08:35:00 GMT

O martes 29 de setembro ás 16:00h terá lugar unha xornada divulgativa de balde na contorna do Parque Rosalía Mera. Trátase dunha actividade de campo para dar a coñecer a diversidade biolóxica que acubilla este espazo natural e singular do Concello de Oleiros.

Renovación do DNI e do pasaporte o 13, 14 e15 de outubro na Praza Esther Pita en Santa Cruz

Sara López Gómez — Fri, 25 Sep 2026 08:07:00 GMT

Unha unidade móbil de expedición do DNI desprazarase á Praza Esther Pita en Santa Cruz os días 13, 14 e 15 de outubro para realizar os trámites de renovación do documento nacional de identidade e de pasaportes.

A programación de teatro e danza do outono reunirá a grandes nomes das artes escénicas

Sara López Gómez — Thu, 24 Sep 2026 11:52:00 GMT

Cinco espectáculos pasarán entre outubro e novembro polo Auditorio Gabriel García Márquez de Mera, con propostas de comedia, danza contemporánea e teatro que tratan desde Castelao e a memoria histórica ata a crise climática e a identidade. A programación aposta pola presenza de compañías e artistas de referencia das artes escénicas galegas e por obras que combinan entretemento, creación contemporánea e reflexión sobre cuestións sociais, culturais e históricas.

En marcha a pavimentación da rúa Areosa, en Maianca

Sara López Gómez — Thu, 24 Sep 2026 11:45:00 GMT

O Concello está a executar as obras de asfaltado dun tramo da rúa Areosa, en Maianca. Unha actuación que conta cun investimento de 114.445,79 euros.

Habilitado un aparcamento provisional para o centro de saúde da Covada

Sara López Gómez — Thu, 24 Sep 2026 11:44:00 GMT

As persoas que acudan ao centro de saúde de Santa María de Oleiros disporán dun aparcamento provisional nas inmediacións do centro. Tamén están habilitados distintos itinerarios peonís tanto para acceder ao propio centro de saúde como ao IES Miraflores.

Oleiros acollerá a gala dos premios Youtubeiras+

Sara López Gómez — Tue, 22 Sep 2026 08:20:00 GMT

O auditorio Gabriel García Márquez de Mera acollerá o vindeiro mes de xaneiro a gala dos premios Youtubeiras+. O certame repartirá 7500 € entre as propostas gañadoras das sete categorías a concurso: Canle, Creación de contidos, Revelación, Calidade lingüística, Rede, Pódcast e Premio do Público. Os dous primeiros apartados contarán cunha dotación económica de 1250 euros e as cinco restantes, de 1000 euros.

Intenso domingo para o Servizo Municipal Emerxencias, con tres intervencións especiais

Sara López Gómez — Mon, 21 Sep 2026 12:23:00 GMT

Tres importantes intervencións dos equipos de seguridade cidadá do Concello de Oleiros tiveron lugar durante a fin de semana: un incendio en Nostián, unha persoa desaparecida no mar e un accidente de tráfico na avenida de Valle Inclán necesitaron a intervención do Servizo Municipal de Emerxencias e da Policía Local.

Rockanroleiros consolídase no seu noveno aniversario como unha das grandes citas culturais

Sara López Gómez — Mon, 21 Sep 2026 09:32:00 GMT

A praza Esther Pita de Santa Cruz acolleu durante esta fin de semana a novena edición de Rockanroleiros, un festival organizado polo Concello de Oleiros en colaboración coa Asociación Musicoleiros. Centos de persoas participaron no evento celebrado durante o sábado e o domingo.

Aberta a inscrición para a I Carreira Popular Concello de Oleiros

Sara López Gómez — Mon, 21 Sep 2026 09:27:00 GMT

Xa está aberto o prazo de inscrición para participar na I Carreira Popular Concello de Oleiros, unha nova competición deportiva municipal que se celebrará o próximo domingo 18 de outubro, cun percorrido de 8,5 km con saída e chegada en Iñás, percorrendo tamén a parroquia de San Pedro de Nós.

Últimas prazas para a sesión informativa sobre logopedia que ofrece a Asociación de Párkinson en Oleiros

Sara López Gómez — Mon, 21 Sep 2026 08:18:00 GMT

O 22 de setembro, ás 17:00 horas, a Asociación de Parkinson Galicia-Coruña, en colaboración co Concello de Oleiros, desenvolverá nas instalacións de Servizos Sociais en Villa Echeverry unha sesión grupal gratuíta de logopedia dirixida, prioritariamente, a persoas enfermas de parkinson veciñas de Oleiros e localidades próximas.