Trátase dun espectáculo no que se fai un percorrido pola obra e vida de Rosalía de Castro, a través dos seus escritos e da súa testemuña… pero tamén a partir dos afluentes, lagoas e mananciais que xurdiron dela, facendo especial fincapé nas mulleres poetas que a partir da súa herdanza deron lugar a unha poesía galega recoñecida aquí e fóra das nosas fronteiras.
A actividade está dirixida a familias con crianzas maiores de 4 anos.
As inscricións poderán realizarse a través do formulario web habilitado ao efecto a partir do 16 de febreiro ás 10:00 horas. Terán preferencia as familias inscritas no programa Apego do Concello de Oleiros.
Máis información no Servizo de Normalización Lingüística municipal.