Fabriarte
O Centro de Información Xuvenil, co obxecto de ir abrindo canles de dinamización para os rapaces de Oleiros, pon en marcha o programa Fabriarte, co fin de crear un punto de referencia de creación artística, un punto onde se favoreza e incentive a creatividade dos rapaces.
A través do fomento á creatividade, do apoio ás novas tendencias, ás novas canles de comunicación, estaremos a favorecer o crecemento dos rapaces así como a súa implicación e a súa participación na vida cultural e social oleirense.
O espazo que está a disposición dos rapaces é a entrada do Centro Cultural A Fábrica.