Conseguir unha certa igualdade nas condicións de vida e impulsar mecanismos de reequilibrio social é a misión deste departamento, que ten un importantísimo papel en todo o relacionado coa promoción dos coidados e a integración plena na vida colectiva das persoas que máis o necesitan, con especial atención ás persoas maiores, ás súas condicións de vida e ao seu tempo de lecer.
Sexta tenenta de alcalde e concelleira de Servizos Sociais e Igualdade
"Si vienes a la tierra" de Sophie Blackall e "O que non sabías" de Elba Pedrosa.
- Infantil (de 6 a 8 anos):
"Si vienes a la tierra" de Sophie Blackall. En Anaya.
Imaxina que tes que convencer a un extraterrestre para que veña visitar a Terra. Que destacarías do noso planeta para que lle parecese un sitio digno de ser visitado? Quinn, o noso protagonista, teno moi claro. O neno escribe unha invitación na que conta todo o que para el é importante que se coñeza da Terra. Todo aquilo que a fai única e diferente. Estamos ante unha potente mensaxe de diversidade e de unión que nos lembra que xuntas e xuntos temos o deber de coidar o planeta, porque llo debemos por ser o noso fogar.
- Mocidade e persoas adultas:
"O que non sabías" de Elba Pedrosa. Editado por Xerais.
Versión dixital en GaliciaLe
Narra a historia dunha familia galega que garda segredos do pasado. Segredos que se van herdando de xeración en xeración e que acaban por saír á luz grazas aos dous protagonistas, Marisa e o seu fillo, Roberto, que será o narrador. Tras a desaparición do pai, no mar, a vida desta familia cambiará totalmente. Marisa intentará atopar a liberdade para poder ser ela mesma nunha sociedade que a asfixia.
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.
