Hoxe, 24 de febreiro, conmemórase o Día de Rosalía de Castro e desde o Servizo de Normalización Lingüística do Concello de Oleiros queremos sumarnos á celebración desta xornada na que se pon en valor a importancia que tivo Rosalía na cultura, na lingua, no pensamento e no feminismo galego.
Recuperamos da súa obra uns versos que nos convidan a non perder xamais a esperanza, algo que é importante lembrar nos tempos difíciles que estamos a vivir.
Feliz Día de Rosalía a todas e todos!
Non digás nunca, os mozos, que perdeches
a risoña esperanza.
Do que a vivir comesa
sempre é amiga:
só enemiga morta de quen acaba...!
Rosalía de Castro, Follas novas (1880)
*Retrato de Rosalía de Castro realizado por Luisa Carnés.