Na Aula do Mar tamén estará situado o Posto de Mando Avanzado do Concello de Oleiros para esta xornada. Policía Local, Servizo Municipal de Emerxencias e Garda Civil centralizarán desde o edificio as comunicacións e os mandos para actuar ante posibles emerxencias. O operativo que se despregará por todo o municipio contará con máis de cen efectivos municipais pertencentes á Policía Local, Servizo Municipal de Emerxencias, Protección Civil, Servizo de Salvamento e Socorrismo co obxectivo de garantir a seguridade das persoas e minimizar as afeccións ao tráfico.
Con motivo da preparación e desenvolvemento tanto do Posto de mando avanzado como da retransmisión televisiva, a Aula do Mar modificará o seu horario de apertura. Así, o martes 11 de agosto abrirá unicamente de 12 a 14 h, permanecendo pechada durante toda a tarde. Pola súa banda, o mércores 12 de agosto pechará durante toda a xornada.