Oleiros, 6 de outubro de 2017-. Mañá sábado día 7 de outubro, ás 20:30 horas, o auditorio do centro cultural A Fábrica de Perillo acolle o concerto Sandra Calderón e da Flamenco Band. O espectáculo forma parte do Encontro Internacional de Música de Pulso e Púa de Galicia.
A banda de flamenco-jazz, fundada pola cantaora Sandra Calderón no ano 2013, viaxará polos paus máis tradicionais do flamenco, como as alegrías, os tangos ou as bulerías. Ademais fusionará o seu cante con gran variedade de estilos musicais: jazz, latin jazz, salsa,...
A entrada é libre con invitación. Poderán recollerse un máximo de 5 por persoa a partir das 19:30 horas na Fábrica.