Oleiros, 15 de abril de 2015-. O Concello de Oleiros organiza unha serie de talleres de educación afectivo-sexual destinados a pais e nais de nenos e adolescentes. Estas charlas pretenden traballar a comunicación nas relacións familiares, proporcionando ferramentas e coñecementos básicos sobre sexualidade. Os talleres serán impartidos polo equipo educador do Programa municipal de educación afectivo-sexual nos colexios e institutos de educación pública do Concello. Levaranse a cabo tres sesións de traballo intensivo os días 23, 24 e 25 no complexo cultural A Fábrica. As inscricións pódense cursar a través do correo c.xuventude@oleiros.org ou no teléfono 981 636 598.