Oleiros, 28 de xuño de 2012-. O Goberno local de Oleiros inaugurou esta mañá o parque dedicado á matemática María Wonenburger, na urbanización Icaria, na localidade de Montrove. Neste pequeno acto inaugural, no que Wonenburger non puido participar debido ao seu delicado estado de saúde, estiveron presentes os seus familiares, amigos e docentes do a universidade da Coruña. Por boca dos seus achegados a científica transmitiu a súa felicidade porque un parque reciba o seu nome na súa localidade natal. O parque María Wonenburger é unha zona verde con máis de 10.000 metros cadrados situado nas inmediacións da terceira fase da urbanización Icaria. O parque conserva a vexetación orixinal da zona, anterior a que o ámbito fose urbanizado.
A matemática María Wonenburger Planells é experta en Teoría de Grupos clásicos e realizou un importante traballo no estudo dos automorfismos deses grupos. Varios autores utilizaron as súas ideas no desenvolvemento das súas teorías. Ademais é experta en álxebra de Clifford, especialmente na súa aplicación en Física e na Teoría de Representacións Álxebras.
Wonenburger, se doctoró na Universidade de Yale cun traballo chamado «On the Group of Similitudes and its Proyective Group» e que foi autorizado polo prestixioso matemático Nathan Jacobson. Posteriormente levou a cabo o seu labor docente e investigadora en institucións como a Universidade de Buffalo, a Universidade de Toronto ou a Universidade de Indiana. Así mesmo, foi investigadora no Instituto Matemático Jorge Juan do CSIC onde realizou outra tese Doutoral titulada «Representación espinoral dos grupos de semellanza.