Oleiros, 8 de maio de 2014-. O próximo domingo día 11 de maio dispútase a I Regata de Traiñeiriñas de Mera. Esta competición está organizada polo Centro Deportivo Mariñeiro de Mera co apoio do Concello de Oleiros. As embarcacións daranse cita no campo de regatas da baía a partir das 11.30 horas.
A proba dispútase en tres categorías: xuvenil masculino, absoluto feminino e absoluto masculino. En total participarán 26 tripulacións, o que supón un total de 182 remeiros e remeiras. A celebración desta competición é un acto histórico para a localidade, posto que a primeira vez que se celebra unha regata de traiñeiriñas en Mera.