Oleiros, 20 de agosto de 2021-. O próximo mes de setembro, o Concello de Oleiros retomará a actividade de EstimulAcción. Está dirixida a persoas con deterioro cognitivo en fase inicial e desenvolverase no centro Cívico de Santa Cruz.
EstimulAcción forma parte do programa Descubrindo Emocións. Trátase dun conxunto de actividades coas que se pretende apoiar ás persoas coidadoras co fin de mellorar a súa calidade de vida, reducir a aparición de trastornos psicolóxicos e conseguir a mellor adaptación posible á situación que está a vivir a diario no seu rol de coidadora, dotándolle de estratexias para manexar dunha forma axeitada as situacións de estrés coas que se enfronta.
Para obter máis información, así como para apuntarse, as persoas interesadas deben dirixirse ao 981610000 ou ao departamento de Servizos Sociais e Igualdade.