Quen utilice este servizo poderá consultar en directo a planificación actual, pasada e futura dos servizos, detallada por días de atención, horario previsto para cada servizo, persoal auxiliar asignando en cada momento, horario real de fichaxe, e funcións a desempeñar cada día. Poderán acceder tamén a información dos servizos complementarios que cada persoa usuaria teña asignados.
Aumentar a transparencia entre as familias e as persoas que realizan o traballo é un dos obxectivos desta iniciativa, pero tamén se incrementa a calidez nas relacións humanas derivadas deste servizo e se realiza un labor social de maior calidade.
Quen desexe conectarse a esta nova ferramenta non ten que descargar ningunha aplicación, se non o desexa. Simplemente ten que solicitalo chamando ao Concello ou enviando un correo a s.sociais@oleiros.org para recibir unha ligazón de solicitude de activación do servizo no seu correo electrónico. Tras recibila, como é habitual en calquera outro ritual electrónico, crear o seu propio contrasinal persoal de acceso e acceder inmediatamente a consultar a información.
Esta ferramenta impleméntase pensando na comodidade e o benestar das familias de Oleiros, pero é necesario lembrar que a Xunta de Galicia leva máis de dez anos sen incrementar o Fondo de Cooperación Local, tal como o recoñece a FEGAMP, a pesares das dificultades nas que se atopan moitos municipios para atender os servizos que presta e son competencia da propia Xunta, unha situación anómala e inxusta que debería corrixirse.