O Goberno municipal considera especialmente grave que se solicitaran e percibiran cantidades económicas para a adquisición de vivendas sen contar coa preceptiva autorización urbanística, unha situación que provocou importantes prexuízos económicos ás familias afectadas.
Co obxectivo de facilitar a defensa dos seus dereitos, o Concello porase á disposición das persoas afectadas para entregar toda a documentación administrativa que poida resultar de interese e colaborará coas autoridades competentes no esclarecemento dos feitos.
Así mesmo, o Concello lembra á cidadanía a importancia de comprobar previamente a situación urbanística de calquera promoción inmobiliaria antes de realizar entregas económicas. Para iso, calquera persoa interesada pode solicitar nos servizos municipais a información urbanística correspondente sobre parcelas, inmobles ou promocións, garantindo así que dispón de información oficial e veraz antes de formalizar unha operación de compravenda.
O Concello de Oleiros reafirma o seu compromiso coa defensa da legalidade urbanística e coa protección dos dereitos da veciñanza, actuando con todas as garantías que establece a normativa para evitar que situacións como esta se repitan.