A campaña aborda, cun ton directo e próximo, cuestións especialmente necesarias nestas semanas de festexos: o bo trato nas xuntanzas familiares e nas celebracións, a corresponsabilidade e a carga mental na organización do Nadal, e a importancia de priorizar experiencias e tempo compartido fronte ao consumismo. Ademais, inclúe mensaxes específicas para previr os estereotipos de xénero nos agasallos, promovendo “xogos sen xénero” e decisións de compra que amplíen posibilidades en lugar de reforzar roles.
Outro dos eixes centrais é a prevención das violencias sexuais en contextos festivos e de ocio nocturno, lembrando que sen consentimento non hai festa, e que un NON é un NON sempre e en calquera circunstancia. A campaña incorpora chamadas claras a respectar límites, frear presións e intervir ante situacións incómodas.
Baixo o hashtag #PorUnNadalEnIgualdade, o Concello anima á veciñanza a compartir e espallar estes contidos, reforzando unha mensaxe común: unhas festas máis igualitarias constrúense coas actitudes do día a día.
Para máis información, pódese contactar coa Concellería de Servizos Sociais e Igualdade no 981 610000 ou no correo igualdade@oleiros.org.