A execución dos traballos require baleirar, limpar e volver encher o depósito, polo que durante o desenvolvemento das obras poderían producirse incidencias puntuais de presión na subministración de auga, así como algún episodio de turbidez, en zonas de Oleiros, Montrove, Dorneda, Mera, Dexo e Lorbé.
Neste momento estanse a desenvolver xa os traballos iniciais. A fase máis crítica da intervención está prevista para as próximas semanas e terá unha duración duns 20 días.
O Concello pide comprensión á veciñanza polas posibles molestias que poidan ocasionar estes traballos, necesarios para mellorar as instalacións e garantir un mellor servizo de abastecemento de auga no municipio.