O Juana de Vega pasou de 404 alumnos e alumnas, o pasado curso, a 417 neste 2024/2025. En cambio, o profesorado de apoio reduciuse de 5 profesores de apoio a 3. Tamén está pendente a contratación dunha persoa docente para primaria que aínda non se incorporou, o que está a xerar graves interferencias no funcionamento e organización do centro e un forte malestar na comunidade educativa.
No caso do colexio Rabadeira a situación é similar. Tamén se recortou unha praza de profesorado de Audición e Linguaxe, malia que o alumnado con necesidades especiais aumentou.
Atendendo ás peticións das ANPA dos centros, o alcalde dirixiuse por escrito á Consellería de Educación para que modifique a actual situación.