A programación continuará durante os próximos meses con novas citas en diferentes localidades do municipio. A próxima sesión terá lugar o sábado 26 de setembro en Iñás. En outubro, os bailes celebraranse os días 3 en Lorbé, o 10 en Montrove, o 17 en Santa Cruz, o 24 en Nós e o 31 novamente en Iñás. Durante o mes de novembro, as citas serán os días 7 en Lorbé, o 14 en Santa Cruz, o 21 en Nós e o 28 en Iñás. A programación rematará o 12 de decembro cunha sesión en Nós.
Con esta iniciativa, o Concello continúa apostando por ofrecer ás persoas maiores alternativas de ocio activo e espazos para o encontro e a convivencia, favorecendo a participación social e o mantemento das relacións entre veciños e veciñas.