Oleiros, 7 de xullo de 2014-. A Policía Local de Oleiros conta con dous novos coches patrulla. Os vehículos están equipados con modernos extras que facilitarán o labor policial, especialmente á hora de levar a cabo dispositivos de tráfico e no aspecto das comunicacións. Ambos vehículos contan con habitáculo de seguridade para detidos. O investimento do Goberno local nestes dous coches patrulla foi de 50.000 euros.