O Concello concedeu este prazo para que a propiedade executase os traballos, tras a preocupación e inquedanza manifestada pola veciñanza polo estado de abandono das instalacións. A situación agravouse despois dun incendio no inmoble, que non chegou a maiores grazas á rápida intervención do Servizo Municipal de Emerxencias.
Se chegado o 15 de setembro a empresa non executase a demolición, o Concello procederá á execución subsidiaria dos traballos, asumindo inicialmente a demolición para garantir a seguridade e o adecuado estado do espazo, e posteriormente cargará á propiedade o importe correspondente dos traballos realizados.