Oleiros, 30 de maio de 2014-. O Concello de Oleiros amplía o horario de atención ao público no Rexistro municipal. Ata a data o horario deste rexistro era de 8.30 a 13.00 horas, pero a partir do próximo luns día 2 de xuño a atención prolóngase unha hora, polo que o horario definitivo será de 8.30 a 14.00 horas de luns a venres. O Goberno local de Oleiros toma esta medida para facilitar as xestións dos veciños e veciñas e permitir que estes compatibilicen a asistencia ao rexistro con outras actividades como a estudantil ou laboral, xa que a Administración debe estar ao servizo da cidadanía.