Oleiros, 16 de xullo de 2021-. O vindeiro 26 de xullo comeza un curso de produción musical dirixido a mozos e mozas de entre 14 e 30 anos. Esta actividade desenvolverase na Casa da Mocidade das Pedras en horario de 11:30 a 13:00 horas.
Este curso consistirá en leccións básicas de produción musical mediante distintas técnicas de mestura de audio, mastering ou composición musical, entre outras cousas. As persoas interesadas en inscribirse poden facelo a través da web https://centrosmocidadeoleiros.wordpress.com, no teléfono 981 977 944 ou no correo electrónico pix.aspedras@gmail.com.