Oleiros, 23 de novembro de 2021-. O vindeiro venres 26 de novembro haberá actividades na pista polideportiva da II República, en Perillo. Comezarán ás 16:30 horas e están dirixidas para rapazas e rapaces de 8 a 17 anos.
Ás 16.30 h comezará A casa do mago, un xogo de pistas para nenos e nenas de 8 a 12 anos no que, en grupos, as persoas participantes terán que realizar distintas probas acompañadas de personaxes teatralizadas por monitores e monitoras.
Ás 19.00 h dará comezo O misterio das pantasmas, para rapaces e rapazas de 13 a 17 anos. Un xogo de investigación no que a rapazada terá que resolver enigmas, descifrar códigos e, sobre todo, interactuar coas diferentes personaxes históricas para acceder á información e resolver o misterio.