O IMSERSO abríu o prazo para solicitar praza no Programa de Termalismo Social, as persoas interesadas poden informarse no Departamento de Servizos Sociais de Oleiros.
As solicitudes que se presenten antes do 16 de xaneiro terán prioridade na adxudicación nas quendas de febreiro a agosto, e ata o 16 de maio nas de setembro a decembro. Non obstante, pasados eses prazos poderán presentar igualmente as súas solicitudes para ser incluídos nas listaxes de espera.
Poden participar neste programa as persoas que sexan pensionistas do sistema da Seguridade Social, tanto de xubilación como de invalidez, así como de viuvez ou doutros tipos e teñen máis de 60 anos de idade. Outro requisito é valerse por si mesmo nas actividades da vida diaria.
O programa ofrece prazas en balnearios, con tratamentos termais básicos e actividades de animación, en réxime de aloxamento e pensión completa.
As quendas teñen unha duración de entre 10 e 12 días e a oferta inclúe balnearios de todo o estado, existindo unha ampla oferta nas catro provincias galegas.