Oleiros, 25 de xaneiro de 2016-. A porcentaxe de vivendas de protección oficial en Oleiros está actualmente no 7%. O Concello de Oleiros promoveu directamente a construción de preto de 700 vivendas nos últimos 10 anos.
“A demagoxia hai que deixala aparcada. En Oleiros aínda hai sen vender catro vivendas de protección en Mesón da Auga e outras tres en Santa Cruz”, dixo o alcalde de Oleiros, Ángel García Seoane. O rexedor tamén demandou facilidades para que as persoas que queiran acceder a estas vivendas poidan recibir axudas e créditos.