Oleiros, 4 de novembro de 2015-. O sábado 7 de novembro ás 20:30 horas no Auditorio Gabriel García Márquez, de Mera, a compañía Bucanero presentará o seu espectáculo “Os amos do mundo”, de Carmen Blanco. O elenco está formado por Xosé Bonome e Pedro Picos que están dirixidos por Lino Braxe.
As entradas poñeranse á venda a un prezo de 2,50 euros a partir das 19:30 horas, ata completar a capacidade da sala. O espectáculo está dirixido a maiores de 12 anos.