Oleiros, 29 de novembro de 2017-. A compañía Ditirambo Teatro presenta o venres ás 21:00 horas no auditorio Gabriel García Márquez de Mera o seu espectáculo Ánonima 18, escrito e dirixido por Lola Roel. O elenco de actores e actrices fórmano Chelo G. Falcón, Bego Lomba, Iago Arroio e Juan Carlos Alonso.
Este drama parte do falecemento do afamado pintor Ton Grung. A súa viúva, e musa durante máis de vinte anos, revive a súa atormentada historia de amor no estudio onde o seu espírito segue vivo. Elisa, galerista e marchante do artista, acode a ela para que a axude a localizar os dezaoito lenzos que integran a serie Anónimas, cuxa exposición será un acontecemento único. A procura das obras levaraa a descubrir a verdadeira identidade da modelo que as inspirou e a forxar a súa vinganza.
A entrada é gratuíta. A obra está recomendada para persoas maiores de 12 anos.