Oleiros, 4 de novembro de 2021-. Este sábado 6 de novembro celebrarase nas Casas da mocidade de Oleiros a asemblea de principio de curso da Rede Solidaria da Mocidade da Fundación Entreculturas, pertencente á Rede 21+, na que participarán mozos e mozas de Oleiros e de toda a provincia. O encontro será de 9 a 17 horas e celebrarase simultaneamente na Casa das Pedras e na Casa de Santa Cruz.
Durante todo o día haberá obradoiros de formación en valores, xincanas lúdico-educativas e momentos para compartir entre os participantes as súas inquedanzas e experiencias. Como fin de festa, está prevista a actuación, ás 16 horas, na Casa das Pedras, da banda Rock Son.