Concello de Oleiros

A Lei 2/1985, de 21 de xaneiro, constitúe o marco legal que determina todo o sistema de prevención e de resposta ante situacións de grave risco colectivo, calamidade pública ou catástrofe extraordinaria, e conforma unha norma básica que contén as directrices esenciais para a elaboración dos plans territoriais e especiais, por sectores de actividade, tipos de emerxencia ou actividades concretas.

A presente ordenanza ten por obxecto regular o uso das praias do Concello de Oleiros conxugando o dereito de todas as persoas a gozar delas pola súa natureza demanial, co deber que ten o Concello de Oleiros, no marco das súas competencias, de velar por unha utilización racional e, en particular, regular as condicións xerais de utilización e desfrute polas persoas usuarias da praia en orde á seguridade, a saúde pública e a protección do ambiente.