Co gallo da morte de José Luis Sampedro, na Biblioteca e Centro de Documentación da Muller "Rosalía de Castro" de Santa Cruz, na Biblioteca "Mª José Trincado" de Mera, na Biblioteca "Ánxel Fole" de Nós e na Biblioteca "Mª José Ruso" de Dorneda, podes contemplar senllas mostras sobre a súa obra.
Economista, escritor e pensador, José Luis Sampedro foi un autor prolífico con obra que estudou a estrutura económica, materia da que foi técnico e profesor universitario e, no campo narrativo, conta con títulos tan significativos na literatura española do século XX como "Octubre, Octubre" e "La sonrisa etrusca", entre outros.
Nos últimos anos estivo vencellado a movementos como o 15-M e colaborou con figuras como Stéphane Hessel. Membro da Real Academia Española, José Luis Sampedro foi Premio Nacional das Letras 2011.
Con estas exposicións, a Biblioteca e Centro de Documentación da Muller "Rosalía de Castro" de Santa Cruz, a Biblioteca "Mª José Trincado" de Mera, a Biblioteca Ánxel Fole de Nós e a Biblioteca "Mª José Ruso" de Dorneda, seguen a homenaxear a aqueles autores e autoras que constitúen fitos importantes no panorama actual .
