O SATICO busca traballar tanto coa poboación a título individual como cos e coas profesionais dos diferentes sectores presentes no municipio, colectivos, asociacións e entidades do tecido asociativo, empresas, centros de ensino, clubs deportivos e demais axentes sociais, culturais, educativos, políticos e empresariais. Deste xeito, o SATICO proporciona apoio e asesoramento no deseño, planificación e implementación de medidas e actividades, elaboración de propostas, solicitude de subvencións, corrección de desigualdades, desenvolvemento e emprego de ferramentas para a recollida de datos desagregados, o emprego inclusivo e non sexista da linguaxe, o tratamento da imaxe etc., así como calquera outra cuestión en materia de xénero, igualdade e diversidade.

Ademais, a través do SATICO seguirase a articular a participación de todos os servizos municipais na implementación das medidas e accións recollidas no II Plan de Igualdade municipal, a desenvolver campañas de sensibilización e concienciación, a elaborar recursos prácticos e demais ferramentas para incorporar dun xeito transversal en todo o municipio a perspectiva de xénero, o principio de igualdade de trato e oportunidades e a loita contra todo tipo de violencia de xénero e cara o colectivo LGTBIQA+.

Información de contacto: