O certificado de profesionalidade acredita a capacitación para o desenvolvemento dunha actividade laboral con significación para o emprego e asegura a formación necesaria para a súa adquisición, no marco do subsistema de formación profesional para o emprego.
Configura un perfil profesional entendido como o conxunto de competencias profesionais identificable no sistema produtivo, e recoñecido e valorado no mercado laboral.
Teñen carácter oficial e validez en todo o territorio nacional. Son o instrumento de acreditación oficial das cualificacións profesionais no ámbito da Administración laboral.
Existen tres vías para a obtención dos certificados de profesionalidade:
- Superación de todos os módulos formativos correspondentes ao certificado de profesionalidade.
- Mediante os procedementos para a avaliación e acreditación das competencias profesionais adquiridas a través da experiencia laboral ou de vías non formais de formación.
- Mediante a acumulación de acreditacións parciais das unidades de competencia que comprenda un certificado.
Cada certificado incluirá os seguintes apartados:
- Identificación do certificado.
- Perfil profesional do certificado.
- Formación do certificado.