Un concurso de lemas entre o alumnado de 5º e 6º de primaria e secundaria para promover o uso da lingua e reflexionar sobre a igualdade entre homes e mulleres e a situación da muller ao longo da historia.
O Servizo de Normalización Lingüística do Concello de Oleiros convocou esta campaña polo Día da Muller, unha convocatoria de ideas dirixida á comunidade educativa do Concello de Oleiros co obxectivo de elaborar material divulgativo co gallo do 8 de marzo.
Nesta campaña podía participar o alumnado de 5º e 6º de primaria, ESO e bacharelato escolarizado no Concello de Oleiros. Participou alumnado do CEIP Juana de Vega, do CEIP Luis Seoane, do CEIP Plurilingüe da Rabadeira e do IES María Casares.
Os lemas gañadores foron os seguintes:
8Menú do día Prato único: Igualdade, de Marta Sanz Perandones, 5º de primaria do CEIP Plurilingüe da Rabadeira
Sen medo, Sen temor, A voar con valor, de Sofía Lindstrom Sánchez, 5º de primaria do CEIP Plurilingüe da Rabadeira
Todas xuntas treparemos calquera montaña, Andrea Vázquez Peña, 2º ESO do IES María Casares
Con estes lemas elaboráronse chapas e bolsas que se repartiron entre a comunidade educativa participante.