Coñecerse é vivirse é un programa, enmarcado no II Plan de Igualdade, no que se desenvolven distintas actuacións dirixidas a mulleres e que ten como finalidade aumentar o coñecemento sobre os nosos propios corpos.
Nesta ocasión, trátase dun obradoiro de auto coñecemento a través do solo pelviano. Nel, daranse a coñecer os aspectos básicos para o coidado do solo pelviano, así como pautas para previr e tratar as distintas patoloxías ou disfuncións que se poidan derivar. Ademais, buscarase dar resposta ás inquietudes das participantes, reflexionando sobre as súas vivencias, e ofrecendo información que sirva como base para a toma de decisións desde a autonomía e o coñecemento.
Para facilitar a participación das mulleres interesadas, realizaranse 2 obradoiros en datas e horarios diferenciados. A asistencia a un deles anula a participación no outro.
O 1º obradoiro terán lugar o luns 8 e o mércores 10 de abril, ambas en horario de 10:00 a 12:30h.
O 2º obradoiro, o venres 19 de abril en horario de 16:00 a 18:00 e o sábado 20 de 10:00 a 13:00h.
Todas as sesións impartiranse no Salón de Actos do Centro Municipal de Formación Isaac Díaz Pardo (Rúa Regos 24, Urbanización Os Regos).
O número de prazas por obradoiro é de 25. Podes inscribirte desde o 25 marzo ás 9:00 ata o 3 de abril ás 23:59 a través do formulario recollido no apartado Participa, na categoría de Actividades Sociais, ao que podes acceder premendo aquí.
Para máis información, contacta con nós no 981 610 000 – Ext. 3503 ou nos correos igualdade@oleiros.org e igualdadeoleiros@gmail.com
Participa!