A biblioteca Rialeda comeza unha nova programación de “Ler para saber” dedicada ás charlas de divulgación científica durante os meses de outubro e novembro.
Celebraranse tres charlas sobre temas científicos dirixidas a crianzas a partir de 10 anos, adolescentes e público en xeral que terán lugar os venres 6 e 27 de outubro e o venres 10 de novembro ás 18:30 horas na biblioteca central Rialeda en Perillo.
Os obxectivos deste programa son achegar a ciencia a todas as persoas, ampliar os coñecementos científicos da cidadanía, fomentar a lectura e consultas sobre temas relacionados coa ciencia ademais de dinamizar os fondos bibliográficos sobre estes temas nas bibliotecas municipais.
A entrada é de balde para toda aquela persoa que desexe asistir.
Programación:
- Día 6 de outubro: OS MICROORGANISMOS E AS MICROALGAS, charla impartida por Carmen Rioboo Blanco; profesora de Microbioloxía na Universidade da Coruña.
- Día 27 de outubro: ALIMENTACIÓN SAUDABLE NA IDADE ESCOLAR, charla impartida por Uxía Rodríguez Lavandeira; dietista e nutricionista no Hospital da Coruña (CHUAC)
- Día 10 de novembro: ÁRBORES E ARBUSTOS DO XARDÍA DA BIBLIOTECA RIALEDA, charla impartida por Miguel Sánchez (fotógrafo) e Fina Mosquera (profesora de educación primaria)