Oleiros, 2 de marzo de 2020-. Desde o mércores 4 ata o domingo 8 de marzo, permanecerá cortado o tráfico desde Concepción Arenal ata o número 5 da rúa do Repicho. Entre as 08:00 e as 19:00 horas non estará permitido acceder aos garaxes, agás servizos de emerxencia e vehículos de transporte adaptado. Fóra deste horario permitirase a circulación pola rúa do Repicho, pero provisionalmente en dobre sentido e cun único acceso e saída a través da rúa da Praia, o que aconsellará extremar as precaucións.
O Concello está a cambiar o pavimento desta rúa, no centro de Santa Cruz. O investimento nesta actuación é de 161.898,48 euros.