Oleiros, 10 de setembro de 2019-. Baixo o título de A liberdade de coidar, o vindeiro venres 13 de setembro terá lugar o X Encontro de persoas coidadoras. O inicio da xornada está previsto para as 11:00 horas, e desenvolverase no Teatro das Torres e no Castelo de Santa Cruz.
Van participar nesta actividade as persoas coidadoras de familiares con dependencia que forman parte dos grupos do programa municipal "Coidando emocións" de Oleiros, da asociación AFACO da Coruña e de MELLORANDO de Chantada. As persoas que desexen participar nesta actividade deben dirixirse ao Departamento de Servizos Sociais e Igualdade ou ao teléfono 981 610 000.