A vía Ártabra é unha gran circunvalación comarcal, desde o porto de Lorbé ata a Ronda de Outeiro, pasando pola N-VI, AP-9, N-550, A-6 e a terceira ronda, dando servizo directo aos concellos de Sada, Oleiros, Cambre, Bergondo, Culleredo, Arteixo e A Coruña. Os intereses persoais, os cálculos electoralistas e os discursos delirantes non poden paralizar unha infraestrutura de máxima prioridade para a comarca da Coruña.
A vía Ártabra é progreso, é incrementar a competitividade de empresas e autónomos, é non perder horas en atascos, é non chegar tarde a traballar ou ao médico, é aforrar en combustible e reducir a contaminación… é mellor a calidade de vida de milleiros de persoas.
O Concello de Oleiros non cesará nas súas demandas á Xunta para que faga prevalecer o interese xeral para mellorar o tráfico, o que tería efectos significativos inmediatos en toda a N-VI, a ponte Pasaxe, a estrada da costa, a Costa da Tapia, a zona do Burgo...