Ecoralia canta, conta e debuxa de Pakolas e Laura Romero é un espectáculo dirixido a público infantil e familiar onde a interacción coas nenas e nenos, a música acompañada por contos e historias, e as cores e debuxos en directo de Laura Romero son o principal atractivo para o público.
Esta proposta crea así unha escena na que non só se pode gozar da música, senón tamén do debuxo e as cores que a rodean. Un espectáculo para todos os sentidos.
A duración da actividade é de 45 minutos e o prazo de inscrición na mesma abre o luns 29 de setembro ás 10:00 horas a través da web municipal. Terán preferencia as familias inscritas en Apego de Oleiros os dous primeiros días de inscrición.
Máis información no Departamento de Normalización Lingüística do Concello de Oleiros.