Concello de Oleiros

A violencia de xénero constitúe un grave problema social. Non é unha problemática privada; é un delito público e unha violación dos dereitos humanos. E, como tal, incumbe a toda a sociedade. É unha violencia fondamente enraizada e estrutural, na que o asasinato é a súa expresións máis visible, mais existen moitas outras manifestacións que, ás veces, son invisibilizadas ou tan sequera son percibidas como violencia. 

Dende os organismos públicos existe a obriga e o compromiso de facerlle fronte a través de todos os medios posibles. Así, o coñecemento sobre os recursos e servizos especializados existentes dirixidos ás vítimas da violencia de xénero (mulleres, as súas crianzas e persoas dependentes) é clave para o seu apoderamento. Coñecer a existencia de tales recursos é fundamental para saír da situación de violencia e mitigar o impacto negativo que xera sobre quen a sofre. 

Deste xeito, a continuación achégase información estratéxica dos recursos existentes que integran a rede de apoio e servizos para a intervención fronte á violencia de xénero dirixida a toda a cidadanía, para que poidamos informar e acompañar ás persoas que están ou estiveron expostas a situacións de violencia.

Os recursos e servizos recollidos atópanse divididos nos seguintes apartados:

• Servizos de aloxamento alternativos
• Servizos de información xeral e atención integral
• Servizos de emerxencia e urxencia
• Servizos específicos de asistencia inmediata, acompañamento e seguimento
• Aplicacións (APP’s)
• Outros Recursos de Interese