Desde o Concello de Oleiros, somos coñecedores das limitacións que ten a mocidade para acceder á práctica regular de actividade física organizada fóra do eido federativo e competitivo. Con esta motivación nace XovenForma, un Programa Xuvenil de Acondicionamento Físico para mozos e mozas nacidos/as entre 2010 e 2013 que se realizará desde o 1 de outubro de 2025.
O Programa divídese en dous niveis:
Programa Base (para nacidos nos anos 2012/13): oferta de actividades dirixidas como cardio, zumba, body box, acond. físico, cross gym e gap, temporizadas por día da semana e Centro Deportivo, ata o 30 de xuño de 2026.
Programa Avanzado (para nacidos nos anos 2010/11): programa de iniciación ao adestramento en sala fitness por parte de rapaces e rapazas que teñan unhas destrezas e nivel físico suficiente a xuízo dos responsables, ata o 30 de setembro de 2026. Este nivel estructúrase en 3 fases:
- Fase 1: Entrevista persoal duns 30 minutos onde formularanse os obxectivos e diseñarase o plan de traballo.
- Fase 2: Uso da sala fitness de xeito tutelado de 16:30 a 17:30, en Dorneda (martes, xoves e venres) e en Oleiros (martes e mércores).
- Fase 3: Uso da sala fitness de xeito autónomo en horario reducido de 16:00 a 19:00 horas de luns a venres en todos os centros deportivos, e fins de semana libres.
O prazo de inscrición comezará o 22 de setembro e a alta no programa poderá realizarse en calquera mes do ano ata o remate do programa en función do nivel, e en calquera dos tres dos Centros Deportivos (Oleiros, Perillo e Dorneda).