O Domingo 23 de decembro ás 18.30 horas no Auditorio da Fábrica de Perillo Tanxarina presenta o espectáculo A Galiña Azul.

Sinopse: A galiña azul é un espectáculo que mestura monicreques e actores, baseado no conto homónimo de Carlos Casares. A galiña azul resulta unha convincente arma contra a inxustiza, unha clara defensa da diversidade. Fainos lembrar que aínda é posible loitar contra a homoxeneidade cando esta vén imposta, que formas alternativas de resistencia seguen existindo aínda que sexa pintando galiñas de azul e organizándose de xeito colectivo.