Conmemoración do Día Internacional da Muller
Sábado 7 de marzo ás 20:30 horas
Auditorio Gabriel García Márquez, de Mera
O Grupo Chévere presenta o seu espectáculo As fillas bravas, baixo a dirección de Xesús Ron. O Grupo Chévere foi distinguido co Premio Nacional de Teatro 2014.
Sinopse: Novo espectáculo de Chévere con perspectiva de xénero que aposta polo teatro como ferramenta eficaz para sensibilizar o público e combater as desigualdades e a violencia de xénero. Utilizando como soporte a música tradicional, tres mulleres maiores veñen para reafirmar modelos de muller vinculados a expresións culturais tradicionais que agochan berros emancipatorios e cantos de rebeldía insospeitados.
Elenco: Patricia de Lorenzo, Mónica García e Arantza Villar
Xénero: teatro musical
Duración: 50 minutos
Prezo: 2,5 euros
As entradas poñeranse á venda a partir das 19:30 horas, ata completar a capacidade da sala. Maiores de 12 anos.