O venres 1 de decembro ás 21.00 horas no Auditorio Gabriel García Márquez, de Mera a compañía Ditirambo Teatro, presenta o espectáculo Anónima 18, escrito e dirixido por Lola Roel.
Sinopse: O afamado pintor Ton Grung acaba de falecer. A súa viúva, e musa durante máis de vinte anos, revive a súa atormentada historia de amor no estudio onde o seu espírito segue vivo. Elisa, galerista e marchante do artista, acode a ela para que lle axude a localizar os dezaoito lenzos que integran a serie Anónimas, cuxa exposición será un acontecemento único. A procura das obras levaraa a descubrir a verdadeira identidade da modelo que as inspirou e a forxar a súa vinganza.
Elenco: Chelo G. Falcón, Bego Lomba, Iago Arroio, Juan Carlos Alonso.
Xénero: Drama
Duración: 60 minutos
Entrada libre con invitación ata completar a capacidade da sala. As invitacións poderán recollerse a partir das 20.00 horas. Maiores de 12 anos.