O sábado 10 de novembro ás 20:30 horas, no Auditorio Gabriel García Márquez de Mera Talía Teatro, presenta o espectáculo O servidor de dous amos.
Sinopse: Revisión dun dos textos clásicos da historia do teatro, convertido no referente por excelencia da Commedia dell’Arte do teatro renacentista italiano. Esta versión trata de construír un xoguete escénico onde os contratos matrimoniais son substituídos por contratos de construción, onde nobres e mandatarios son substituídos por empresarios e políticos, onde a vida mesma da nosa sociedade é retratada con irreverencia e descaro, buscando un espectáculo trepidante e deslinguado, tan mordaz como divertido.
Autoría: Carlo Goldoni.
Dirección: Artur Trillo e Diego Rey.
Elenco: Xurxo Barcala, Toño Casais, Marta Lado, María Ordoñez, Diego Rey, Marta Ríos, Artur Trillo e Dani Trillo.
Xénero: comedia.
Duración: 75 minutos.
Público: maiores de 12 anos.
Prezo: 2,50 euros.
As entradas poñeranse á venda a partir das 19:30 horas, ata completar a capacidade da sala.